Pacientët në rrezik të posaçëm për zhvillim të torsades de pointes përfshijnë ata me sëmundje të zemrës, siç është sindroma kongjenitale e QT prolongimit, ata të cilët janë të predispozuar për nivele të ulta të kaliumit dhe magneziumit në gjak dhe ata që marrin barna tjera që çojnë deri te QT prolongimi.

Nga GlaxoSmithKline është kërkuar që të ndërmarrin studim QT të tërësishëm për të vlerësuar potencialin e Zofran'it për të prolonguar QT intervalin.

Rezultatet nga ky studim priten të jenë në dispozicion në verë të 2012.

Zofran është i indikuar për të prevenuar pështirosjen dhe vjelljen e shkaktuar nga kimioterapia e kancerit, terapia e rrezatimit dhe operacioni kirurgjik.

Për ma shumë informacione vizitoni: www.fda.gov/Drugs/DrugSafety/ucm271913.htm

http://www.empr.com/zofran/nausea/drug/5144/

http://www.empr.com/glaxosmithkline-pharmaceuticals/manufacturer/11397/

http://www.empr.com/zofran/nausea/drug/5144/

http://www.empr.com/zofran/nausea/drug/5144/

http://www.fda.gov/Drugs/DrugSafety/ucm271913.htm

FDA ka bërë këto rekomandime për shkak se të dhënat tregojnë rritje të rrezikut nga ngjarjet kardiovaskulare me BSE në këtë populacion të pacientëve. Rekomandimet e dozimit të ri janë bazuar në trialët klinik që tregojnë se përdorimi i BSE për të arritur cak të nivelit të hemoglobinës ma të madh se 11 g/L në pacientët me SKVe, nuk është me leverdi të shtuar sesa caqet e niveleve ma të ulta, dhe rrit rrezikun nga përjetimi i ngjarjeve serioze të përkundërta kardiovaskulare, siç janë sulmi në zemër ose në tru.

SFONDI: BSE trajton disa tipe të anemisë duke stimuluar palcën ashtrore të prodhojë qeliza të kuqe të gjakut dhe duke zvogëluar nevojën për transfuzione gjaku.

REKOMANDIM: Profesionistët shëndetësor duhet të masin leverditë e mundshme të përdorimit të BSE për të zvogëluar nevojën për transfuzion të qelizave në pacientët me SKVe kundrejt rrezikut të shtuar për ngjarje serioze kardiovaskulare, dhe duhet të informojnë pacientët e tyre lidhur me kuptimin aktual të rrezikut dhe të leverdisë potenciale. Terapia duhet të individualizohet te pacientët dhe duhet të jepet doza ma e ultë e mundshme e BSE për të reduktuar nevojën për transfuzione.

Burimi: FDA Medwatch

Jo. Ekspozimi i çdoditshëm në diell gjatë shumë viteve vendos lëkurën tuaj në rrezik për shenja të plakjes së parakohshme (psh. rrudha të vogla, lëkurë e vrazhdët dhe njolla bojëkafe). Rezultatet e këtij dëmtimi afatgjatë mund të mos jenë të dukshme me vite të tëra. Ekspozimet e përsëritura në komponentet e dritës UV të rrezeve të diellit mund të çojnë në kancer lëkure. Ju mund të redukoni rrezikun duke u ekspozuar minimalisht në diell.

Çka janë UVA dhe UVB dhe çfarë është signifikanca e tyre?

Janë dy tipe të rrezeve brenda dritës së diellit të cilat arrijnë tokën: Drita UVA depërton madje edhe shtresat e poshtme te lëkurës dhe mendohet që shkaktojnë plakjen e parakohshme dhe rrudhosjen, sikurse edhe alergjitë e lëkurës dhe puçrrat. Rrezet UVB kanë efektin e tyre në sipërfaqen e lëkurës dhe janë përgjegjëse për djegie dielli. Tej-ekspozimi në secilin tip të radiacionit UV mund të çojë te kanceri i lëkurës.

A mundet rrezitja në diell të jetë me të vërtetë e rrezikshme për shëndetin tim?

Ekspozimi i tejzgjatur ndaj diellit mund të shkaktojë kancer lëkure dhe forma serioze e saj e quajtur melanoma malinje, mund të jetë fatale. Melanoma malinje rritet nga lyethi ekzistues, dhe i cili mund të shkojë përmes një numri të ndërrimeve të ndryshme.

Nganjëherë, ajo mund të rritet në lëkurën në të cilën nuk ka pasur më parë lytha. Nëse vëreni ndonjërin prej këtyre simptomeve, ju duhet të shkoni te mjeku juaj për kontroll të menjëhershëm.

• Lyethi bëhet më i madh;

• Ndryshon ngjyrën apo formën

• Rrjedh gjak;

• Zhvillohet duke u rritur dhe marrë formë ose kontura të pazakonshme;

• Fillon të kruhet.

Format tjera të kancerit të lëkurës të cilat mund të shkaktohen nga ekspozimi në diell janë:

Karcinoma e qelizave bazale, e njohur me emër më të njohur si “ulcera e rodentëve (brejtësve)”. Mbi 90% të këtij tipi shfaqen në fytyrë ose qafë, por ato mund të rriten në cilindo pjesë të trupit. Ajo fillon si një puçërr e vogël e rrafshët dhe rritet ngadalë, duke formuar një krater të vogël në midis. Duke u rritur ajo mund të duket si një ulcerë që nuk shërohet.

Karcinoma e qelizave skuamoze. Kjo mund të fillojë si një e ënjtur e fortë e vogël që nuk dhemb ose njollë e vrazhdët me luspa, zakonisht në pjesën prapme të dorës, ose të buzëve ose të veshit. Ajo ngadalë bëhet më e madhe dhe mund të duket gati si lyeth.

Shkoni dhe vizitoni mjekun tuaj për këshillë nëse vëreni ndonjërin prej këtyre simptomeve.

Farmacisti juaj gjithashtu mund të jetë në gjendje të ju ndihmojë. Kapja e hershme e shumicës së kancereve të lëkurës është e trajtueshme.

Pse disa njerëz marrin ngjyrën më lehtë, ndërsa të tjerët vetëm digjen?

Përgjigjja është në gjenet tuaja! Kjo vetë varet nga lëkura me të cilën keni lindur. Lëkura juaj prodhon një pigment të quajtur melaninë kur ekspozohet ndaj diellit. Është aftësia juaj për të prodhuar melaninë e cila përcakton nëse ju nxiheni lehtë. Njerëzit me flokë të çela kanë tendencë më të vogël të prodhimit të melaninës se sa ata me flokë të mbylltë. Sidoqoftë, niveli i mbrojtjes të cilën e jep nxirja është shumë e kufizuar dhe me kalimin e kohës pjesa më e madhe e dëmit është bërë.

Si mund të evitoj djegien nga dielli?

Përgjigjja e thjeshtë është – rri larg nga dielli! Por, nëse dëshironi të kënaqeni me rrezet e diellit ose nëse nuk mund ta evitoni, atëherë këshillat në vijim mund të ndihmojnë: evitoni diellin ndërmjet 11.00 PD dhe 3.00 MD gjatë Majit deri në Shtator; mbani kapelë dhe veshje të çlira të cilat mbulojnë lëkurën tuaj; mbani kujdes shtesë afër sipërfaqeve reflektuese siç janë uji, bora dhe rëra; mbani syza të aprovuara për diell (në UK BS 2724) dhe jeni të sigurt që jeni duke përdorur kremra dhe losione për mbrojtje nga dielli me SPF (Sun Protection Factor - Faktor Mbrojtjeje nga Dielli) prej së paku 15 dhe me mbrojtje nga të dy llojet e rrezatimeve UVA dhe UVB.

Pyetni farmacistin tuaj për këshilla të mëtejshme nëse është e nevojshme.

Çka është SPF dhe rangimi me yje i losioneve dhe kremrave për mbrojtje ndaj diellit dhe si të zgjedh të duhurin?

Mbrojtësit e diellit mbrojnë në dy mënyra:

• Duke reflektuar rrezet UV nga lëkura.

• Duke absorbuar rrezet UV para se ato të depërtojnë në lëkurë.

SPF është shkurtesë për Faktor Mbrojtës nga Dielli (Sun Protection Factor) – sa më i lartë është numri, aq më e madhe është mbrojtja, dhe indikon për sa kohë ju mund të qëndroni në diell pa u djegur. Lëkura e secilit është e ndryshme por ju duhet të zgjidhni mbrojtës dielli me SPF prej së paku 15 dhe me mbrojtje nga të dyja rrezatimet UVA dhe UVB. Sistemi i rangimit të rrezatimit me yje për mbrojtësit e diellit indikojnë shkallën e mbrojtjes nga UVA rrezatimi. Sa më shumë yje në paketim aq më e madhe është mbrojtja. Idealisht, ju duhet të keni për qëllim të redukoni ekspozimin ndaj UVA dhe UVB barabar, në mënyrë që të mos i ekspozoheni njërit më shumë se tjetrit, kështu që është e arsyeshme që të zgjidhet produkti i cili ofron mbrojtje superiore UVA (tre ose katër yje) dhe rang të lartë SPF.

Bleni preparat për mbrojtje nga dielli me SPF prej së paku 15 me rangim të lartë yjesh.

Si mund të kem leverdi maksimale nga losioni për mbrojtje nga dielli?

Lëkurës suaj i duhen vetëm disa minuta për të absorbuar preparatin për mbrojtje nga dielli kështu që më së miri është ta aplikoni para se të dilni në diell. Riapliko shpesh, posaçërisht mbas notit, por përcillni instruksionet në paketim. Duhet të jeni posaçërisht të kujdesshëm me regjionet e ndjeshme siç janë hunda, thimthat, veshët, shputat e këmbëve dhe nëse flokët hollohen atëherë edhe majën e kokës.

Çka nëse jam alergjik në disa produkte për lëkurë?

Disa njerëz janë alergjikë në disa preparate për mbrojtje nga dielli. Nëse jeni edhe ju, zgjidhni produktin i cili nuk përmban parfum dhe hipoalergjik dhe i cili ofron mbrojtje më të lartë UVA.

Pyetni farmacistin për këshillë nëse jeni të brengosur për efektin e preparatit për mbrojtje nga dielli.

Çka është foto-mplakja?

Kur njerëzit i janë ekspozuar tepër shumë dritës së diellit te ata mund të zhvillohen simptomet e foto-mplakjes: nishanet; njollat (sipërfaqe ngjyrë kafe në fytyrë dhe anët e sipërme të duarve); lëkurë e vrazhdët, e lëvarur dhe e meshintë; dhe rrudha si ato të syve.

Nëse mendoni që në lëkurën tuaj janë zhvilluar këto efekte, atëherë pyetni farmacistin ose mjekun tuaj për këshillë lidhur me prevenimin e dëmtimit të mëtejshëm të lëkurës dhe nëse ka në dispozicion trajtim të mundshëm.

Kush është më shumë në rrezik nga dëmtimi i shkaktuar nga dielli?

Njerëzit me punë të fushës, ata me lëkurë të çelë dhe nëpunësit e zyrave me lëkurë të zbehtë të cilët rreziten intensivisht për disa javë për çdo vit, janë ndërmjet atyre që më së shumti i nënshtrohen rrezikut nga dielli.

Lëkura e fëmijëve është më e hollë dhe më e ndjeshme sesa e të rriturve kështu që duhet pasur kujdes të shtuar për të. Foshnjat nën moshën 6 mujore do të duhej të mbahen larg diellit dhe bashkë me këtë – preparatet për mbrojtje nga dielli zakonisht nuk rekomandohen për ta, por ndihmojnë të gjitha kapelat, veshjet e përshtatshme dhe hijet.

Mbrojtja e fëmijëve nga dielli në moshën e  re do të reduktojë rrezikun nga kanceri i lëkurës dhe foto-mplakja më vonë gjatë jetës.

Çka duhet të vendos në lëkurë pas ekspozimit në diell?

Përdor krem hidratant zbutës të pa-parfumosur. Kjo do të ndihmojë mbajtjen e lëkurës të hidratuar dhe të butë, por nuk do të rikthejë dëmtimin e bërë nëse e tej-ekspozoni veten.

Përgatiti: Adnan Mustafa, MPharm

Propilen glikoli (PG) është lëng pa ngjyrë, viskoz, gati pa aromë që përdoret si produkt intermediar për sintezën e kimikateve tjera. Ai është ekscipient multifunksional që përdoret në shumë produkte si solvent, vehikulum, humektant ose emulzifikues. Vehikulumet për preparatet kortikosteroidale rëndom përfshijnë PG për thellimin e penetrimit në stratum corneum. Si shtesë e steroideve topikale. PG gjitashtu mund të gjendet në preparatet tjera farmakologjike topikale, përfshirë antibiotikët, antimikotikët, benzoil peroksid dhe emolientët. Reaksionet lëkurore në PG janë të njohura që nga viti 1952.

Për ma shumë klikoni (nëse jeni të regjistruar në Medscape): http://www.medscape.com/viewarticle/742812?src=rss

Çarjet orale shfaqen në trimestrin e parë të shtatzanisë para se shumë gra të marrin vesh se janë shtatzana.

Burimi: WHO Newsletter, No.2, 2011

Të gjitha seritë e produkteve që përmbajnë buflomedil janë revokuar në Francë më 17 shkurt 2011.

Aksioni është ndërmarrë pas lajmërimeve të ngjarjeve serioze nervore (konvulsione, miklonusi dhe statusi epileptik) dhe kardiake (tahikardia, hipotensioni, çrregullimet e e ritmit ventrikular dhe arresti kardiak) posaçërisht në tejdozimin aksidental ose të vullnetshëm.

(Shikoni WHO Newsletter No. 1, 2007 për vendimin e Afssaps për të tërhequr buflomedilin 300 mg tabletat nga tregu për shkak të rrezikut nga suicidi.)

Referenca:

Spécialités à base de Buflomédil - Retrait de produits, Afssaps, 17 Shkurt 2011

(www.afssaps.fr)

Indikacionet dhe doza  

Dhembja; pireksia dhe parehatia 

•Përmes gojës

Neonatët 28-32 javë të moshës postmenstruale: 20 mg/kg si dozë njësore pastaj 10-15 mg/kg çdo 8-12 orë sipas nevojës; max. 30 mg/kg në ditë në doza të ndara 

Neonatët mbi 32 javë të moshës postmenstruale: 20 mg/kg si dozë njësore pastaj 10-15 mg/kg çdo 6-8 orë sipas nevojës; max. 60 mg/kg në ditë në doza të ndara 

Fëmijët 1-3 muajsh 30-60 mg çdo 8 orë sipas nevojës 

Fëmijët 3-12 muajsh 60-120 mg çdo 4-6 orë (max. 4 doza në 24 orë) 

Fëmijët 1-6 vjeç 120-250 mg çdo 4-6 orë (max. 4 doza në 24 orë) 

Fëmijët 6-12 vjeç 250-500 mg çdo 4-6 orë (max. 4 doza në 24 orë) 

Fëmijët 12-18 vjeç 500 mg çdo 4-6 orë 

•Përmes rektumit

Neonatët 28-32 javë të moshës postmenstruale: 20 mg/kg si dozë njësore pastaj 15 mg/kg çdo 12 orë sipas nevojës; max. 30 mg/kg në ditë në doza të ndara 

Neonatët mbi 32 javë të moshës postmenstruale: 30 mg/kg si dozë njësore pastaj 20 mg/kg çdo 8 orë sipas nevojës; max. 60 mg/kg në ditë në doza të ndara 

Fëmijët 1-3 muajsh 30-60 mg çdo 8 orë sipas nevojës Fëmijët 3-12 muajsh 60-125 mg çdo 4-6 orë sipas nevojës (max. 4 doza në 24 orë) 

Fëmijët 1-5 vjeç 125-250 mg çdo 4-6 orë sipas nevojës (max. 4 doza në 24 orë) 

Fëmijët 5-12 vjeç 250-500 mg çdo 4-6 orë sipas nevojës (max. 4 doza në 24 orë) 

Fëmijët 12-18 vjeç 500 mg çdo 4-6 orë 

Neonatët 7.5 mg/kg çdo 4-6 orë; max. 30 mg/kg në ditë 

Fëmijët me peshë trupore nën 10 kg 7.5 mg/kg çdo 4-6 orë; max. 30 mg/kg në ditë 

Fëmijët me peshë trupore 10-50 kg 15 mg/kg çdo 4-6 orë; max. 60 mg/kg në ditë 

Fëmijët me peshë trupore mbi 50 kg 1 g çdo 4-6 orë; max. 4 g në ditë 

Dhembja e fortë; pireksia e rëndë 

•Përmes gojës

Fëmijët 1-3 muajsh 20-30 mg/kg si dozë njësore pastaj 15-20 mg/kg çdo 6-8 orë; max. 60 mg/kg në ditë në doza të ndara 

Fëmijët 3-12 muajsh 20-30 mg/kg si dozë njësore pastaj 15-20 mg/kg çdo 6-8 orë; max. 90 mg/kg në ditë në doza të ndara 

Fëmijët 1-6 vjeç 20-30 mg/kg si dozë njësore pastaj 15-20 mg/kg çdo 6-8 orë; max. 90 mg/kg në ditë në doza të ndara 

Fëmijët 6-12 vjeç 20-30 mg/kg (max. 1 g) si dozë njësore pastaj 15-20 mg/kg çdo 6-8 orë; max. 90 mg/kg (max. 4 g) në ditë në doza të ndara 

Fëmijët 12-18 vjeç 1 g çdo 4-6 orë (max. 4 doza në 24 orë) 

•Përmes rektumit

Fëmijët 1-3 muajsh 30 mg/kg si dozë njësore pastaj 15-20 mg/kg çdo 6-8 orë; max. 60 mg/kg në ditë në doza të ndara 

Fëmijët 3-12 muajsh 30-40 mg/kg si dozë njësore pastaj 15-20 mg/kg çdo 6-8 orë; max. 90 mg/kg në ditë në doza të ndara 

Fëmijët 1-6 vjeç 30-40 mg/kg si dozë njësore pastaj 15-20 mg/kg çdo 6-8 orë; max. 90 mg/kg në ditë në doza të ndara 

Fëmijët 6-12 vjeç 30-40 mg/kg (max. 1 g) si dozë njësore pastaj 15-20 mg/kg çdo 6-8 orë; max. 90 mg/kg (max. 4 g) në ditë në doza të ndara 

Fëmijët 12-18 vjeç 1 g çdo 4-6 orë (max. 4 doza në 24 orë)

Informacioni i sforcuar i Paralajmërimeve thekson rrezikun e suicidit për pacientët të cilët janë të prirur për varshmëri, që marrin trankilizerë ose barna antidepresive dhe gjithashtu paralajmëron për rrezik nga tejdozimi. Vdekjet  e ndërlidhura me tramadol janë paraqitur në pacientët me histori paraprake të çrregullimeve emocionale ose ideve ose tentimeve suicidale, sikurse edhe historive të keqpërdorimit të tankilizerëve, alkoolit dhe barnave tjera që veprojnë në SNQ. Tramadol mund të pritet të ketë efekt aditiv kur përdoret bashkë me alkool, opioide tjera ose barna të kontrolluara që shkaktojnë depresion të sistemit nervor qendror. Konsekuencat potencialisht serioze të tejdozimit me tramadol janë depresioni i sistemit nervor qendror, depresioni respirator dhe vdekja. Tramadol ka aktivitet mu-opioid agonist, mund të abuzohet dhe mund të jetë subjekt i ndjekjes kriminale.

Burimi: MedWatch